|
Најубаво се твори, говори и слуша на мајчиниот јазик! Со една ваква порака и креативно изразување на најмладите генерации, низ богата програма оваа година беше одбележан 21 Февруари – Меѓународниот ден на мајчиниот јазик. На крајот на настанот беа доделени дипломите на најуспешните ученици од училишниот натпревар по македонски и албански јазик кој се одржа на 14.02.2023. Им честитаме на добитниците на наградите, како и на сите учесници, за прекрасните творби со коишто нѝ го разубавија денот. Задоволство е да се почувствува како се гради светот во боите на младешките соништа. Да го негуваме нашиот јазик со тоа што ќе го научиме! Сакајќи си го својот јазик, ќе ги сакаме и почитуваме и другите јазици. СЕКОЈ ЈАЗИК Е НЕЧИЈ МАЈЧИН ЈАЗИК! Во одделенска настава библиотекарска секција изработи презентација за Меѓународниот ден на мајчиниот јазик, а во предметна препораки за корисна литература за македонскиот јазик. |
